Koronavirus: Vaźno Informacija!
E Ausrtijako Federalno Guverno kerda buxle mere aśal e res (ciel) te marel pe mamujal o koronavirus. Kadala si i von strikno kerde ando o Federalno Śtato o Burgenland.
Beś khere!
Socialno kontakno trubul te avel cikjardo źi kate absolutno trubul. Momentalno si sade (numa) varesave kauze aśal e kheresko inklipe – avrimata karing e bimukhin vaś dipe ande publikane thana thonandre:
- Te kerldol pe profesionalno aktiviteto, kajte e bukjarne trubul te beśen ekh metra durjal ekh averestar kajte o risko vaś e infekcija naśti te avel ciknjardo via e thanutne protektivne mere.
- Te resaves peske bukja thaj te les peske sakodivesutne bazisne trubumata (primerno te kines xamaske, te źas ka e apteka, te trubusarel pe bankomatne maśine, te źas ka o sastaravno (doktoro), medikane sastaravimata, terapija, o samalipe vaś e animalsura). Kana keres kadala bukja, trubul te inkjares ekh metra distancija katar aver manuśa. Kana kines xamaske, trubul te phiradindol pe ekh mujeski maska.
- Te des sama thaj źutipe manuśen kas trubul le źutipe.
- Te keres treningo (primerno te phires aj prastes) – ama sade korkoro, e manuśenca ko beśen ande pesko kher aj animalsonenca.
Vaźno: Ando kazuso kadale avrjalunenge, distancija vaś barem ekh metra katar aver źene trubul te inkjardol pe! Kadava si vaźno i kana trubusares publikano transporto aj kana san ando supermartketo!
Maj but aktualno informacija si arakhadi po: www.gesundheitsministerium.at
Phabarde linije (Hotlines)
Te si tut sastale puśtimata pe e tema vaś o koronavirus, kamas tutar te keres kontakto e AGES-asa (Austrijaki Agencija aśal Sastimaski thaj Xamaski Sama) koronavirus phabardi linija: 0800 555 621
Te tu sikaves specifikane simptomura (jag, xasape, naśti les ko gi, pharo gilipe), beś khere thaj kamas tutar ker telefono ka o numero aśal sastimasko godidipe 1450 aśal informacija sar so te keres (diagnosticijako phenipe).
Vaźne phabarde linije aśal o Federalno Śtato o Burgenland
Nevimata pe e tema vaś o koronavirus ando o Burgenland